Нодавлат нотижорат ташкилотлар учун давлат ижтимоий буюртмасини тақдим этиш бўйича танлов эълон қилинди

Коррупцияга қарши курашиш агентлиги буюртмасига асосан Олий Мажлис ҳузуридаги жамоат фонди томонидан маҳаллий нодавлат нотижорат ташкилотлари (ННТ) учун давлат ижтимоий буюртмаларини тақдим этиш учун танлов эълон қилинди.

Танловда ННТлар коррупцияга қарши курашиш жараёнларига ННТларни кенгроқ жалб этиш бўйича (камида 14 та ҳудудни қамраб олган ҳолда 12 та) туркум семинар ва амалий тадбирлар ташкил этишга қаратилган лойиҳалар билан иштирок этиши мумкин.

Давлат ижтимоий буюртмасини амалга ошириш учун ажратилган маблағ — 400 млн сўм

Танловда иштирок этиш учун ҳужжатлар жорий йилнинг 2 май кунига қадар қабул қилинади.

Танлов шартлари ва ариза намуналари билан ушбу ҳавола орқали танишиш мумкин.

Коррупцияга қарши курашиш агентлиги

Ахборот хизмати

295 25 Босма версияси

Korrupsiyaga qarshi kurashish Axborot xizmati 19.04.2024

• Ҳаволадан нусха олиш