O'zbek
Ўзбек
Русский
Accessibility
Joriy yilning 5-aprel kuni Korrupsiyaga qarshi kurashish agentligi direktori A.Burxanov TSUL TALKS (TED) loyihasining mehmoni bo‘ldi.
Maʼlumot uchun: Mazkur loyiha 2018 yildan buyon Toshkent davlat yuridik universiteti talabalari ishtirokida suhbat shaklida o‘tkazib kelinadi. Loyihaga o‘z mutaxassisligi bo‘yicha katta muvafaqqiyatga erishib kelayotgan jamiyatning eng faol va ilg‘or vakillari taklif etiladi. Maqsad — spiker bilan talabalar o‘rtasida o‘zora fikr almashish, o‘rtoqlashish orqali ularning dunyoqarashini kengaytirish, bilim va ko‘nikmalarini oshirishdan iborat.
Suhbat avvalida A.Burxanov o‘zining kasbiy va ilmiy faoliyati, erishgan natijalari haqida talabalarga gapirib berdi. Shuningdek, o‘z hayotiy tajriba va xulosalaridan kelib chiqqan holda aniq maqsadlar qo‘yish va ularga erishish uchun dadil intilish, izlanishda bo‘lish bo‘yicha tavsiya va maslahat berib o‘tdi.
Talabalar Korrupsiyaga qarshi kurashish agentligi va A.Burxanovning bugungi rahbarlik faoliyatiga alohida qiziqish bildirdi.
Savol-javoblar mobaynida Agentlik tomonidan amalga oshirib kelinayotgan ishlar va ularning samarasi xususida ham batafsil maʼlumot berildi.
Korrupsiyaga qarshi kurashish agentligi
Axborot xizmati
06.04.2023
